මධ්‍යම ආරක්ෂක සේනා මූලස්ථානය යටතේ වන 11 වන සේනාංකයට අයත් 111 බලසේනාවේ සෙබළුන් විසින් පසුගියදා නාවලපිටිය මහ රෝහලේ බාහිර රෝගී අංශයේ තීන්ත ආලේප කිරීමේ ශ්‍රමදාන ව්‍යාපාරයක් සිදු කරන ලදී.
ආරක්ෂක හමුදාවන් හා සිවිල් සමාජය අතර සුහදත්වය වර්ධනය කිරීමේ අරමුණින් මධ්‍යම ආරක්ෂක සේනා මූලස්ථාන ආඥාපති මේජර් ජෙනරාල් ඒ.එම්. පෙරේරා මහතාගේ මඟපෙන්වීම මත භට පිරිස් විසින් සංවිධානය කරනු ලැබූ මෙම ශ්‍රමදාන ව්‍යාපාරය 11 වන සේනාංකයේ සේනාංකාධිපති සහ 111 බලසේනාධිපති විසින් අධීක්ෂණය කරන ලදී.
යුද හමුදා සෙබළුන්ගේ මෙම ක්‍රියාව රෝහල් කාර්යමණ්ඩලය සහ ප්‍රදේශයේ ජනතාවගේ ද පැසසුමට ලක්වූහ.
NDH/army media
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
