දිස්ත්‍රික්කයේ දුෂ්කර ප්‍රාදේශීය ලේකම් කොට්ඨාසයක් වන පන්විල කොට්ඨාසයේ මහපතන වසමේදී මහනුවර දිස්ත්‍රික් ලේකම් එච්.එම්. ගාමිණි සෙනෙවිරත්න මහතාගේ ප්‍රධානත්වයෙන් සමාරම්භක උත්සවය පැවැත්විණි.
මහපතන ගම්මානයේ අබේරත්න ගොවි මහතාගේ ගෙවත්තේදී පැවති දිවි නැඟුම සමාරම්භක උත්සවයට ගම්වාසීන් විශාල පිරිසක් සහභාගි වූ අතර එහිදී පැමිණි සිටි පිරිසට එළවළු හා පලතුරු පැළ හා විසිතුරු මත්ස්‍ය පැටවුන් බෙදාදීම ද සිදු විය.
උත්සවය ආරම්භ කරමින් පන්විල ප්‍රාදේශීය සභාවේ සභාපති වී.එස්. අරියනායගම් හා මහනුවර දිස්ත්‍රික් ලේකම් එච්.එම්. ගාමිණි සෙනෙවිරත්න යන මහත්වරුන් විසින් පොල් පැළයක් ද මෙහිදී සිට වූ අතර මෙම අවස්ථාවට පන්විල ප්‍රාදේශීය ලේකම්වරයා ඇතුළු නිලධාරීහු රැසක් සහභාගී වූහ.
NDH/TA-dmu kandy
