මෙහිදී නවක ග්‍රාම නිලධාරීන් 128 දෙනෙකු සඳහා අමාත්‍යවරයා අතින් පත්වීම් ප්‍රදානය කෙරුණු අතර, ග්‍රාම නිලධාරීන් ලෙස පුහුණුවට බඳවාගත් තරුණ තරුණියන් 39 දෙනෙකු හට පුහුණුව සඳහා බඳවාගැනීමේ ලිපි ප්‍රදානය කිරීමද සිදුවිය.
මෙහිදී අදහස් දැක් වූ අමාත්‍යවරයා, එදා එක්සත් ජාතික පක්ෂ පාලන කාලය තුළ ලක්ෂ 06කට සීමා කිරීමට ගිය රාජ්‍ය සේවය වත්මන් රජය යටතේ ලක්ෂ 13ක් දක්වා ඉහළ ගොස් ඇති බවත්, ජනාධිපති මහින්ද රාජපක්ෂ මැතිතුමා බලයට පත්වීමෙන් පසු රාජ්‍ය සේවය සීමා නොකර පුද්ගලික අංශය දියුණු කරන අතර රාජ්‍ය සේවය වැඩිදියුණු කිරීමට කටයුතු කළ බවත් පැවසීය.
මෙම අවස්ථාවට ඌව පළාත් සභා මන්ත්‍රී එම්.පී. ලීලසේන, බදුල්ල අතිරේක දිස්ත්‍රික් ලේකම් ගාමිණී මහින්දපාල ජෝපියස් යන මහත්වරුන් ඇතුළු ආරාධිත අමුත්තන් රැසක් හා රාජ්‍ය නිලධාරීහු විශාල පිරිසක් ද සහභාගී වූහ.
බදුල්ල දිස්ත්‍රික් ලේකම් රෝහණ කීර්ති දිසානායක මහතාගේ උපදස් පරිදි මෙම උත්සවය සංවිධනය කෙරිණි.
