අමාත්‍යවරයා ඊයේ (12) අනුරාධපුර තිසා වැව සේවා බලකා පාසලෙහි පැවති නායකත්ව හැකියාව සහ ධනාත්මක ආකල්ප වර්ධනය කිරීමේ පාඨමාලාවේ සිසු සිසුවියන් අමතමින් මේ බව ප්‍රකාශ කළේය.
1984න් 1985න් පසු ව එල්.ටී.ටී.ඊය සහ ජ.වි.පෙ සංවිධාන දෙක විශ්වවිද්‍යාලවල නිදහසේ සහ ප‍්‍රජාතන්ත‍්‍රවාදීව ශිෂ්‍ය නියෝජිතයන් තෝරලා ශිෂ්‍යයන්ගේ සැබෑ හඬට නියෝජනයක් දෙන්නට තිබුණු අවස්ථාව නැති කළ බවත් අමාත්‍යවරයා පෙන්වා දුන්නේය.
විශ්වවිද්‍යාල තුළ පසුගිය අතීතයේ පැවති තත්ත්වය සම්පූර්ණයෙන් ම වෙනස් බවත් ඒ කාලයේ දී බිහිවුණු අය අද රටේ බුද්ධිමත් ප‍්‍රජාවක් බවත් ප්‍රකාශ කළ උසස් අධ්‍යාපන අමාත්‍යවරයා 84න් පසුව වෙනස් වූ එම අවාසනාවන්ත තත්ත්වය වේගයෙන් වෙනස් කරමින් සිටින බවත් ප්‍රකාශ කළේය.
කුලපතිවරු, පීඨාධිපතිවරු, අංශ ප‍්‍රධානීන් තමයි අද සරසවි පාලනය කරන්නේ. ඒ නිසා නැවතත් අපේ විශ්විවද්‍යාල ලෝක ශ්‍රේණිගත කිරීම්වල ඉහළට ඇවිත්. අපට තිබෙන්නේ ලෝකයේ අන් කිසිවකුටත් නොදෙවෙනි ජාන විශේෂයක්. අපි ලෝකයා නොසිතූ වෙලාවක ක‍්‍රිකට් ලෝක කුසලානය දිනුවා, ඔලිම්පික් පදක්කම් ගත්තා, අදත් දර්ශාගේ සුසන්තිකාගේ ආසියානු වාර්තා බිඳින්නට කෝටි 133ක් ඉන්න චීනයටවත් කෝටි 113ක් ඉන්න ඉන්දියාවටවත් කෙල්ලෙක් හදාගන්න බැරි වුණා.
සුවිශේෂත්වය හඳුනාගැනීම තුළින් නොබෙල් ත්‍යාගලාභීන් වන්නට ඔබට ද පුළුවන් යැයි අමාත්‍යවරයා මෙහිදී වැඩිදුරටත් පැවසීය.
DB
