ජනාධිපතිතුමාට, රජරටට මෙන් ම රටට ජාතියට සෙත් ශාන්තිය පතමින් කෙත් වතු සරු සාර වී ජන ජීවිතය සුඛිත මුදිත වේවායි මෙහිදී ප‍්‍රාර්ථනා කෙරිණි.
උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා ඇතුළු ඉහළ ජන සහභාගීත්වයකින් පෙරවරු 07.52ට යෙදුණු සුබ මොහොතින් කිරි ඉතිරවීමේ මංගල්‍යය සිදු කෙරිණි. කලාවැව කඩවර දේවාලය ආශ‍්‍රිත පිහිටි අයියනායක දේවාලය, පුල්ලෙයාර් දේවාලය, විෂ්ණු දේවාලය යන මෙම දේවාලයන් හි මංගල්‍යයන් පැවැත්විණි.
මෙයට සමගාමී ව ඓතිහාසික විජිතපුර රාජමහා විහාරයෙන් අලි ඇතුන් ඇතුළු සංස්කෘතිකාංගයන්ගෙන් සමන්විත වන මහා පෙරහැර අද රාත‍්‍රියේ ආරම්භ වන අතර එය කඩවර දේවාලයෙන් අවසන් කිරීමට නියමිතය.
HC
