වසර ගණනාවක සිට ස්ථාපිත කර ඇති රිකිල්ලගස්කඩ ලංකා සතොස වෙළඳසැල පිහිටි ගොඩනැගිල්ල සඳහා වන බදු කුලී කාලය ඊයේ (31) අවසන් වීමට නියමිතව තිබුණි. මේ හේතුවෙන් මෙම ශාඛාව එදින සිට වසා දැමීමට අදාළ නිලධාරීන් තීරණය කෙරිණ.
මේ සම්බන්ධයෙන් රිකිල්ලගස්කඩ පාරිභෝගික ජනතාව හා සතොස කාර්යමණ්ඩලය අමාත්‍ය සී.බී. රත්නායක මහතාගේ අවධානයට යොමු කිරීමෙන් පසු අමාත්‍යවරයා මෙම පියවර ගනු ලැබීය.
ඒ අනුව අමාත්‍යවරයාගේ උපදෙස් පරිදි පුද්ගලික ප‍්‍රවාහන සේවා අමාත්‍යාංශයේ උපදේශක නිහාල් පේ‍්‍රමසිංහ මහතා හා සතොස සභාපති නලීන් ප‍්‍රනාන්දු මහතා අතර පැවති සාකච්ඡාවෙන් පසු රිකිල්ලගස්කඩ ලංකා සතොස වෙළඳසැල වෙනත් ගොඩනැගිල්ලක පවත්වාගෙන යාමට තීරණය කරන ලදී. මෙහිදී සුදුසු ගොඩනැගිල්ලක් භාවිත කරන ලෙසට සතොස සභාපතිවරයා විසින් එහි ප‍්‍රධාන ඉංජිනේරුවරයාට හා ප‍්‍රාදේශීය කළමනාකරුට උපදෙස් ලබාදෙනු ලැබීය. මේ සඳහා සුදුසු ගොඩනැගිලි කිහිපයක් අමාත්‍යාංශ උපදේශකවරයා විසින් අදාළ නිලධාරීන් වෙත ඉදිරිපත් කරන ලදී.
ECB
