දෙස් විදෙස් කෘෂි විද්‍යාඥයන්, කෘෂි පර්යේෂකයන්, දේශීය සහ ජාත්‍යන්තර කෘෂිකාර්මික ආයතනයන්හි නියෝජිතයන් සහ විශ්වවිද්‍යාල ආචාර්යවරුන්ගේ සහභාගීත්වයෙන් පැවැති මෙම සමුළුව අද (12) ද පැවැත්වීමට කටයුතු සංවිධානය කර ඇත.
දේශීය සහ ජාත්‍යන්තර වශයෙන් කෘෂිකාර්මික ක්ෂේත‍්‍රයට අදාළ ව සිදුකරන ලද පර්යේෂණ පිළිබඳ ව දැනුවත් කිරීම මෙහිදී සිදුකරනු ලබයි. සමුළුවට සමගාමීව කෘෂිකාර්මික ප‍්‍රදර්ශනයක් ද සංවිධානය කර තිබුණි.
ශ්රී ලංකා කෘෂිකාර්මික ප‍්‍රතිපත්ති සභාව 1987 අංක 47 දරන පාර්ලිමේන්තු පනත යටතේ ආරම්භ කර ඇත. කෘෂිකාර්මික පර්යේෂණ නිසි ආකාරයෙන් සම්බන්ධීකරණය කිරීම මෙම ආයතනය විසින් සිදු කරනු ලබයි.
මෙම අවස්ථාවට කෘෂිකර්ම අමාත්‍ය මහින්ද යාපා අබේවර්ධන, ශ්රී ලංකා කෘෂිකාර්මික පර්යේෂණ ප‍්‍රතිපත්ති සභාවේ සභාපති ආචාර්ය ජයන්ත සමරසිංහ සහ ඉන්දියාව, පකිස්ථානය, බංගලාදේශය, තායිලන්තය යන රටවල නියෝජිතවරු රැසක් සහභාගී වූහ.
DB
