නාගරික සැලසුම් හා ජල සම්පාදන ඇමති රාවුෆ් හකීම් මහතාගේ මග පෙන්වීම මත ගනේපල්ල ග්‍රාමීය ජල සැපයුම් යෝජනා ක්‍රමයේ ඉදිකිරීම් පසුගිය වසරේ ජූලි මාසයේදි ද, හක්බෙල්ලාවක ග්‍රාමීය ජල සම්පාදන යෝජනා ක්‍රමයේ ඉදිකිරීම් 2018 ජනවාරි මාසයේදී ද ආරම්භ කළ අතර මේ වන විට ඒවායේ 80%ක වැඩ අවසන් වී ඇති බවද විජේසිංහ මහතා රජයේ නිල පුවත් වෙබ් අඩවියට පැවසීය.
මෙයින් ගනේපල්ල ග්‍රාමීය ජල සැපයුම් යෝජනා ක්‍රමය මගින් දිනකට පානීය ජලය ඝන මීටර් 250ක් බෙදා හැරෙන අතර ඉන් ග්‍රාම නිලධාරී කොට්ඨාශ 10කට අයත් පවුල් 452කට සෙත සැලසේ.
ඒ සඳහා වැයකොට ඇති මුදල රුපියල් මිලයන 57කි. හක්බෙල්ලාවක ග්‍රාමීය ජල සැපයුම් යෝජනා ක්‍රම මගින් දිනකට පානීය ජලය ඝන මීටර් 250ක් නිකුත් කෙරෙන අතර එයින් ග්‍රාම නිලධාරී කොට්ඨාශ 10කට අයත් ගම්වල ජනතාවට සෙත සැලසෙන බවද විජේසිංහ මහතා කීය.
