ප්‍රාදේශීය පරිපාලනය ශක්තිමත් කොට යහපත් මහජන සේවාවක් ලබා දීම සදහා වත්මන් රජය මගින් ගෙනයන වැඩපිළිවෙල යටතේ මහනුවර පූජාපිටිය ප්‍රාදේශීය ලේකම් කාර්යාලයේ ඉදිකරන ලද තෙමහල් ගොඩනැගිල්ල විවෘත කිරීමට නියමිතය.
ජූනි 17 වැනි දින පෙ.ව. 09.00 ට ස්වදේශ කටයුතු අමාත්‍ය වජිර අබේවර්ධන මහතාගේ ප්‍රධානත්වයෙන් විවෘත කෙරෙන මෙම ගොඩනැගිල්ල සදහා ලක්ෂ 158 ක මුදලක් වැය කොට තිබේ.
මෙම ගොඩනැගිල්ලට අමතරව පූජාපිටිය උග්ගහකුඹුර සහ ගලගොඩහේන නිල සෙවණ කාර්යල සහ කුණ්ඩසාලේ අමුණුගම උතුර සහ හපුවෙල නිල සෙවණ කාර්යාල හතරද එදින අමාත්‍යතුමාගේ ප්‍රධානත්වයෙන් විවෘත කෙරෙනු ඇත. එක් නිල සෙවණ කාර්යාලයක් සදහා වැය කොට ඇති මුදල ලක්ෂ 19ක් පමණ වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
