ආණමඩුව, කොට්ටුකච්චිය, 10 කණුව සිට මහකුඹුක්කඩවල දක්වා ප්‍රධාන මාර්ගය කාපට් අතුරා සංවර්ධනය කිරීමේ වැඩකටයුතු පසුගියදා ආරම්භ කෙරිණ.
ඒ නිපුණතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර මහතාගේ ප‍්‍රධානත්වයෙනි.
කිලෝමීටර් 13 න් සමන්විත මෙම මාර්ගය සංවර්ධනය කිරීම වෙනුවෙන් වෙන් කර ඇති මුදල රුපියල් මිලියන 248 කි.
වසර ගණනාවක සිට කිසිදු ආකාරයේ සංවර්ධනයක් නොවූ මාර්ගයක් ලෙසයි කොට්ටුකච්චිය - මහකුඹුක්කඩවල මාර්ගය හැදින්විය හැකි වන්නේ. ප‍්‍රදේශයේ පදිංචි පවුල් දහස් ගණනකට මෙමගින් සෙත සැලසෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
