උතුරු මැද පළාතේ දූ දරුවන්ගේ අධ්‍යාපන කටයුතු නංවාලීම සදහා උතුරු මැද පළාත් ප්‍රධාන අමාත්‍ය පේශල ජයරත්න බණ්ඩාර මහතාගේ විශේෂ අවධානය යොමු වී ඇති අතර මෙසේ පත්වීම ලැබූ උපාධිධාරීන් සහ ඩිප්ලෝමාධාරීන් සදහා ප්‍රධාන අමාත්‍යවරයාගේ උපදෙස් මත දින 04 ක නේවාසික පුහුණු වැඩමුළුවක් පළාත් අධ්‍යාපන දෙපාර්තමේන්තුව විසින් සංවිධානය කරනු ලැබූහ.
මෙම පුහුණු වැඩමුළුවේ සමාරම්භක උළෙල මින්නේරිය යුධ හමුදා පුහුණු පාසලේ දී පේශල ජයරත්න බණ්ඩාර මහතාගේ ප්‍රධානත්වයෙන් ආරම්භ කෙරිණි. මෙම වැඩමුළුව කණ්ඩායම් දෙකකට පුහුණු කටයුතු සිදු කරනු ලැබේ.
මෙම අවස්ථාවට පළාත් අධ්‍යාපන අධ්‍යක්ෂ ඇතුළු අධ්‍යාපන නිළධාරින්ද, මින්නේරිය යුධ හමුදා කදවුරේ අණදෙන නිළධාරී බ්‍රිගේඩියර් සුනිල් අතපත්තු, කාලතුවක්කු රෙජිමේන්තුවේ අණදෙන නිලධාරි කර්නල් ප්‍රසන්න තුෂාර යන මහත්ම මහත්මීන් ඇතුළු විශාල පිරිසක් සහභාගි වූහ.
AP/DMU- Polonnaruwa
