මෙහිදී අඳහස් දැක්වූ නියෝජ්‍ය අමාත්‍යවරයා සඳහන් කළේ ජනතාවටත් ආණ්ඩුවටත් විසඳීමට ඇති ප්‍රධාන ප්‍රශ්න අතර ඝන අපද්‍රව්‍ය, කැලිකසල, බෝනෙවන රෝග හා හොඳ පරිසරයක් පිළිබඳ අභියෝගය ද වනවා මෙන් ම මේ සඳහා ස්ථීර විසඳුමක් සෙවීමට මූලික අඩිතාලම යොදා ඇති බවත්ය.
මෙම ව්‍යාපෘතිය ස්ථීර විසඳුමක් නොවුනත් මෙමගින් කැලි කසල ප්‍රශ්නයට විසඳුමක් ලැබෙන බවත් එයින් අපේ රටේ රසායනික පොහොර ඉවත්වන බවත් මෙමගින් බෝ නොවන රෝග අඩුවිය හැකි බවත් අමාත්‍යවරයා පැවසීය.
ශ්‍රී ලංකා ඉඩම් ගොඩකිරීමේ හා සංවර්ධනය කිරීමේ සංස්ථාව, මධ්‍යම පරිසර අධිකාරියේ මූල්‍ය අනුග්‍රහයෙන් පළාත් පාලන ආයතන හා එක්ව මහා නගර හා බස්නාහිර සංවර්ධන අමාත්‍යංශය මෙම ව්‍යාපෘතිය ආරම්භ කොට ඇත.
මෙම පොහොර නගර සභා අපද්‍රව්‍ය යොදාගෙන සාදන අතර මෙහි බැර ලෝහ පවතින්නේ SLS අනුමත ප්‍රමාණවලට වඩා 1%ක ප්‍රතිශතයක් තරම් අඩු අගයන්වල බව හඳුනාගෙන ඇත.
මෙම කොම්පෝස්ට් පොහොර මිහිජය නිමින් වෙළෙඳපොලට නිකුත් වන අතර එහි පළමු පියවර යටතේ දියත උයන පරිශ්‍රයේ දී අංක 143 දරන වෙළෙඳ කුටිය සඳුදා, අගහරුවාදා හැර සතියේ සෑම දිනකම උදේ 9.00 සිට රාත්‍රී 9.00දක්වා විවෘත ව පවතී.
