නිවාස හා ඉදිකිරීම් අමාත්‍යංශයේ ලේකම් ඩබ්. කේ. කේ. අතුකෝරාළ මහත්මිය රජය වෙනුවෙන් ද එක්සත් ජාතීන්ගේ මානව ජනාවාස වැඩසටහනේ ආසියානු පැසිෆික් කලාපීය කාර්යාලයේ ජ්‍යෙෂ්ඨ මානව ජනාවාස නිලධාරී ශ්‍රී නිවාස පෝපුරි මහතා එම ආයතනය වෙනුවෙන් ද ගිවිසුමට අත්සන් තබන ලදී.
එක්සත් ජාතීන්ගේ මානව ජනාවාස වැඩසටහන ශ්‍රී ලංකාවේ නිවාස හා ඉදිකිරීම් ක්ෂේත්‍රයේ කටයුතු සඳහා 1978 වසරේ සිට සිය දායකත්වයක් ලබා දී තිබේ. ඒ කොළඹ නගරය සඳහා ප්‍රමුඛතා සැලැස්මක් සකස් කිරීම, රජයේ නිවාස දස ලක්ෂයේ වැඩසටහන හා ජනතාව පදනම් කරගත් ව්‍යවහාරික වැඩසටහන් සම්පාදනයෙනි.
මෙම අවබෝධතා ගිවිසුමෙන් එක්සත් ජාතීන්ගේ මානව ජනාවාස වැඩසටහන හා ශ්‍රී ලංකා රජය අතර සමීප සබඳතා තවදුරටත් තහවුරු වනු ඇත. මෙරට සැමට යෝග්‍ය නිවාස ලබාදීම ඉලක්ක කර ගනිමින් සිය නිවාස ප්‍රතිපත්තිය සංශෝධනය කිරීමට නිවාස හා ඉදකිරීම් අමාත්‍යංශය ගන්නා පියවරේ දී එක්සත් ජාතීන්ගේ මානව ජනවාස වැඩසටහන ඊට සහයෝග ලබාදෙනු ඇත.
