මෙහිදී වැට් පිළිබඳව පැහැදිලි කිරීමක් සම සභාපති අමාත්‍ය චන්දිම වීරක්කොඩි මහතා විසින් ඉදිරිපත් කළ අතර එය ප්‍රගතිශීලි බදු ප්‍රතිපත්තියක් බවට හඳුන්වා දීමට ඉදිරියේ දී කටයුතු කරන බව සඳහන් කර සිටියේ ය.
එමෙන් ම දිවිනැගුම සංවර්ධන දෙපාර්තමේන්තුව විසින් ක්‍රියාත්මක 2016 පරිසර හිතකාමී ගම්මාන වැඩසටහන යටතේ ගාල්ල දිස්ත්‍රික්කයේ කඩවත් සතර ප්‍රාදේශීය ලේකම් කොට්ඨාසයට අයත් උක්වත්ත ග්‍රාමසේවා වසමට රුපියල් මිලියන 7ක මුදලක් වෙන් වී ඇති බව දිවිනැගුම ගාල්ල දිස්ත්‍රික් සහකාර කොමසාරිස්වරිය සඳහන් කර සිටියාය.
සම සභාපතිවරුන් වන අමාත්‍ය චන්දිම වීරක්කොඩි හා පාර්ලිමේන්තු මන්ත්‍රි විජේපාල හෙට්ටිආරච්චි යන මහත්වරුන් සහ පාර්ලිමේන්තු මන්ත්‍රී බන්දුල ලාල් බණ්ඩාරාගඩ මහතා ඇතුළු පළාත් සභා මහජන නියෝජිතයින් රැසක් ද මේ අවස්ථාව සඳහා සහභාගී වී සිටියහ.
AP/DMU-Galle
