මාතර දිස්ත්‍රික් ලේකම් කාර්යාලය සහ මාතර, හක්මන, පිටබැද්දර, පස්ගොඩ, දික්වැල්ල, මුලටියන, මාලිම්බඩ, දෙවිනුවර, අකුරැස්ස, කොටපොල, කිරින්ද - පුහුල්වැල්ල, කඹුරුපිටිය, වැලිගම, අතුරලිය, තිහගොඩ හා වැලිපිටිය යන ප්‍රාදේශීය ලේකම් කාර්යාලවල ආධාර එක්රැස් කිරීමේ මධ්‍යස්ථාන පවත්වාගෙන යනු ඇත.
මාතර දිස්ත්‍රික්කයේ ග්‍රාම නිලධාරී කොට්ඨාස 650 ආවරණය වන පරිදි ග්‍රාමසේවා වසම් මට්ටමින් මෙම ආධාර එක්රැස් කිරීම සිදු කෙරෙනු ඇත.
පානීය ජල බෝතල්, ළදරු කිරිපිටි, ළදරුවන් සඳහා සනීපාරක්ෂක යට ඇඳුම්, පැඳුරු හා කොට්ට, ලන්තෑරුම්, පාසල් ළමුන්ගේ උපකරණ, ළිං පිරිසිදු කිරීමට වතුර පොම්ප, ජෙනරේටර්, කඳවුරු ගොඩනැගිලි සඳහා ජනෙල් ආවරණ, ජල බවුසර්, කාන්තාවන් සඳහා අවශ්‍ය ඇඳුම් කට්ටල, පිරිමින් සඳහා අවශ්‍ය ඇඳුම් කට්ටල, මුළුතැන්ගෙයි උපකරණ කට්ටල, වියළි ආහාර පාර්සල්, තාවකාලික ආවරණ (ටෙන්ට්), බ්ලැන්කට් හා අනාථ කඳවුරුවලට අවශ්‍ය වෙනත් ආධාර මෙසේ ලොරි රථ මගින් ප්‍රවාහනය කරනු ඇත.
