දිවයිනට බලපෑ අයහපත් කාලගුණික තත්ත්වය හේතුවෙන් මේ වන විට ගාල්ල දිස්ත්‍රික්කයේ ප්‍රාදේශීය ලේකම් කොට්ඨාස 17ක ග්‍රාම නිලධාරී වසම් 100ක පදිංචි පවුල් 279ක සාමාජිකයන් 1044 දෙනෙකු පීඩාවට පත්ව ඇති බව දිස්ත්‍රික් ආපදා කලමනාකරණ ඒකකය පවසයි.
ඇති වූ ජල ගැලීම හේතුවෙන් වගා හානි කිහිපයක් වාර්තා වන අතර පීඩාවට පත් ජනතාව වෙත තවදුරටත් පිසූ ආහාර සහ වෙනත් සුබසාධන පහසුකම් ගාල්ල දිස්ත්‍රික් ආපදා කලමනාකරණ ඒකකය විසින් මේ වන විටත් ලබා දී ඇතැයි ගාල්ල අප දිස්ත්‍රික් මාධ්‍ය ඒකකය සඳහන් කළේය.
මේ වන විට ගාල්ල නගරය සහ ඒ අවට ප්‍රදේශයන් හි කාලගුණික තත්වය යහපත් අතට හැරෙමින් පවතින අතර බොහෝ තැන්වල ජලය බැස ගොස් ඇති බව ද වැඩිදුරටත් එම මාධ්‍ය ඒකකය ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
