මෙතෙක් විදුලිය ලබා ගැනීමට නොහැකිව ඇති ජනතාව වෙත විදුලිය සැපයීමේ අරමුණින් වත්මන් රජය මගින් ක්‍රියාත්මක කරන "රටම එළියයි - අදුර දුරලයි"  ජාතික විදුලි සත්කාරක වැඩසටහන මහනුවර දිස්ත්‍රික්කය තුළ ක්‍රියාත්මක කිරීමට කටයුතු යොදා තිබේ. ඒ අනුව මහනුවර දිස්ත්‍රික්කයේ මෙතෙක් විදුලිය ලබා ගැනීමට නොහැකිව සිටින සියළුම ජනයාට විදුලිය ලබා දීම සදහා විශේෂ වැඩපිළිවෙලක් යොදා තිබේ. 

 

මෙම වැඩසටහන යටතේ විදුලිය නොමැති පවුලක් සදහා රුපියල් 40,000 ක ණය මුදලක් ලබා දෙන අතර, එම මුදල යොදවා තම නිවසේ විදුලි සම්බන්ධතාවය ලබා ගත හැකිය. එම මුදල වාරික ලෙස විදුලි බිලෙන් අඩු කරගත හැකි පරිදි සහනදායි ක්‍රමයක් අනුගමනය කිරීමටද මේ මගින් කටයුතු යොදා ඇති අතර, ඒ තුලින් අඩු ආදායම්ලාභින්ට සහනයක් ලබා දීමටද නියමිතය.

 

මෙම වැඩසටහන මේ වන විට කෑගල්ල සහ කළුතර යන දිස්ත්‍රික්කවල ක්‍රියාත්මක කොට ඇති අතර, එම දිස්ත්‍රික්කවල ඉලක්ක සපුරා ගැනීමටද හැකියාව ලැබී ඇත. 

 

AP/DMU- Kandy