රුපියල් මිලියන 15 ක වියදමින් කෑගල්ල දිස්ත්‍රික්කයේ බුලත්කොහුපිටිය ප්‍රාදේශීය ලේකම් කොට්ඨාසයේ වියලපිටිය - නේස්මියර් ගම් යා කරමින් ඉදිකරන ලද නව පාලම විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා අතින් පසුගියදා ජනතා අයිතියට පත් කෙරිණි.
මෙමගින් පවුල් 250 කට අධික පිරිසකට සෙත සැළසේ.
ආණ්ඩුව කුමක් වුවත් අපේ පළමු යුතුකම දේශපාලඥයකු ලෙස රටට සේවය කිරීමෙන් පසුව දේශපාලනය සිදුකළ යුතු බවත් එසේම නියමිත ටෙන්ඩර් පටිපාටියන්ට අනුව සිදුකරනු ලබන සංවර්ධන කටයුතු අඛණ්ඩව සිදුකරන බවත් අමාත්‍යවරයා මෙහිදී පැවසීය.
මෙම අවස්ථාව ප්‍රදේශයේ පක්ෂ විපක්ෂ ජනතා නියෝජිතයින් සහ ප්‍රදේශවාසී විශාල පිරිසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
