අධ්‍යක්ෂවරයා මෙම අදහස් පළ කළේ පළාත් සභාවේ වැඩබලන සභාපති ආර්.එම්.එස්.බී.රත්නායක මහතාගේ ප්‍රධානත්වයෙන් පසුගියදා මධ්‍යම පළාත් සභා කාර්යාලයේදී පැවති මධ්‍යම පළාත් සභාවේ මන්ත්‍රීවරුන් දැනුවත් කිරීමේ රැස්වීමේදීය.

අධ්‍යාපන අමාත්‍යංශය මගින් සිදු කර ඇති වර්ගීකරණයකට අනුව මේ බව අනාවරණය වී ඇති බවත් පසුගිය වසර පහක කාලය පිළිබද විමසා බැලීමේදී මධ්‍යම පළාතේ අධ්‍යාපන කටයුතුවල වර්ධනයක් පෙන්වන බවත් අධ්‍යක්ෂවරයා පවසයි. පසුගිය සාමාන්‍ය පෙළ විභාග ප්‍රතිඵල පිළිබද කළ විශ්ලේෂනයේදී ලංකාවෙන්ම වැඩිම පිරිසක් සාමාන්‍ය පෙළ සමත්ව ඇත්තේ මධ්‍යම පළාතෙන් බවත් එහි ප්‍රතිශතය 82% ක් බවද ඔහු වැඩි දුරටත් පවසයි.

අ.පො.ස. උසස් පෙළ සහ 5 වසර ශිෂ්‍යත්ව ප්‍රතිඵල පිළිබද විශ්ලේෂණයට අනුව මධ්‍යම පළාත සෑම වසරකදීම ප්‍රගතියක් ලබා ඇති බවද අනාවරණය වී ඇත. මධ්‍යම පළත තුළ අධ්‍යාපන කලාප 15 ක් ඇති අතර කොට්ඨා‍‍ස 45 කි. පළාත තුළ පිහිටි සම්පූර්ණ පාසල් සංඛ්‍යාව 1527 ක් වන අතර එයින් 54 ක් ජාතික පාසල්ය. මධ්‍යම පළාතේ පාසල්වල අධ්‍යාපනය ලබන දරුවන් 5,31000 පමණ සිටින අතර, ඔවුන්ගේ අධ්‍යාපන කටයුතු වෙනුවෙන් ගුරුවරු 31302 ක් සේවය කරයි. ඒ අනුව මධ්‍යම පළාතේ ගුරු ශිෂ්‍ය අනුපාතය 22 : 1 ක් ලෙස වර්ධනයවී ඇති බවද මෙහිදී අනාවරණය විය.

AP/DMU-Kandy