ඒ යටතේ ඊයේ (23) දිනට යෙදුණු ජාතික නිවාස දිනයට සමගාමිව කෑගල්ල නගරය ආශ්‍රිතව ආගමික මධ්‍යස්ථානවල දී සර්ව ආගමික වතාවන් සිදු කෙරිණි. ගලිගමුව, දැදිගම, කෑගල්ල, දැරණියගල, රුවන්වැල්ල, රඹුක්කන යන ප්‍රාදේශීය ලේකම් කොට්ඨාසවල ජනතාවට ‘සෙවන‘ චෙක්පත් ප්‍රදානය කළ අතර ඔවුන්ට දිවිනැගුම දෙපාර්මේන්තුව විසින් දිරිය පියස නිවාස ආධාර චෙක්පත් ප්‍රදානය ද සිදු කෙරිණි.
නිවාස සතියේ ‘කාන්තා දිනය‘ වන අද (24) දිරිය නිවාස වැඩ සටහන යටතේ රුවන්වැල්ල ප්‍රාදේශීය ලේකම් කොට්ඨාසයේ ගෝනාරඹ ප්‍රදේශයේ අඩු ආදාම්ලාභී කාන්තාවක් සදහා ප්‍රදේශයේ කාන්තාවන් විසින් නිවසක් ඉදිකිරීමේ කටයුතු අරම්භ කරයි.
හෙට (25) දිනයේ අරණායක ප්‍රාදේශීය ලේකම් කොට්ඨාසයේ සාමගම ගම්මානයේ ජාතික නිවාස සංවර්ධන අධිකාරියට අයත් පොදු දේපල තරුණයන් විසින් පිළිසකර කිරීමේ වැඩසටහනක් සංවිධානය කර ඇත. නිවාස සතියේ හෙට දිනට යෙදී තිබෙන්නේ ‘යොවුන් දිනය‘ යි.
26 වන සිකුරාදා දිනය යෙදී තිබෙන ‘ශිල්පීය දිනය‘ නිමිත්තෙන් දෙහිඕවිට ප්‍රාදේශීය ලේකම් කාර්යාලයේ දී ප්‍රදේශයේ වඩු, පෙදරේරු, විදුලි කාර්මික ,පොම්ප ක්‍රියාකර වැනි ක්ෂේත්‍රවල නියතු පිරිස් සදහා තාක්ෂණ හා ව්‍යවසායකත්ව දැනුම වර්ධනය කිරීමේ අරමුණින් ඉදිකිරීම් අභ්‍යාස ආයතනය හා එක්ව වැඩ සටහනක් ක්‍රියාත්මක කෙරේ. එදින අරණායක මැතිවරණ කොට්ඨාසයේ ජනතාවට ‘සෙවන‘ චෙක්පත් ප්‍රදානය කිරීමක් ද සිදු කෙරේ.
SDF/DMU_Kegalle
