ඒ අනුව පෙරවරු 9.00ට තිස්සමහාරාම දෙබරවැව පොදු ක්‍රීඩාංගණයේ දී ජාතික නිවාස දින සමුළුව ආරම්භ වේ. දෙවැනි වැඩසටහන පස්වරු 2.30ට තංගල්ල නගර ශාලාවේ දී පැවැත්වේ.
මෙම අවස්ථාවන්ට සමඟාමී ව ජාතික නිවාස දිනය නිමිත්තෙන් දිවයින පුරා වැඩමුළු හා සම්මන්ත්‍රණ පැවැත්වීමට නියමිත අතර වර්තමානයේ ක්‍රියාත්මක වන නිවාස 50,000 වැඩසටහන යටතේ නිවාසලාභීන්ට මූල්‍ය ප්‍රතිපාදන ප්‍රදානය කිරීම ද සිදු කෙරේ.
නාගරික අඩු පහසුකම් ප්‍රවර්ධන වැඩසටහන යටතේ වැසිකිළි පහසුකම් නොමැති දරුපවුල් වෙත අලුතින් වැසිකිළි 200ක් ඉදිකිරීමේ වැඩසටහනක් ද ක්‍රියාත්මක කෙරේ. ඒ අනුව හම්බන්තොට නගර සභා කලාපය තුළ පවුල් 100ක්, තංගල්ල නගර සභා කලාපය තුළ පවුල් 100ක් වශයෙන් තෝරාගෙන ඇත. ඒ යටතේ එක් පවුලකට රුපියල් 25,000ක මුදලක් ලබාදීම සිදු කෙරේ. මෙම වැඩසටහන දින 14ක් තුළ දී අවසන් කිරීමට ද සැලසුම් කොට ඇත.
DB
