අටමස්ථානාධිපති අතිපූජ්‍ය පල්ලේගම සිරිනිවාස නායක හිමිපාණන් වහන්සේ ප්‍රමුඛ මහා සංඝරත්නය එහි දී සෙත් පිරිත් සජ්ඡායනා කර ජනාධිපතිතුමා වෙත ආශිර්වාද කළහ.
අනතුරුව රුවන්වැලි මහා සෑය අභියස පැවති ආගමික වතාවත් සඳහා ද සහභාගී වූ ජනාධිපතිතුමා ආශිර්වාද ලබා ගත්තේය.
රුවන්වැලි සෑය විහාරාධිපති අතිපූජ්‍ය පල්ලේගම හේමරතන නායක හිමිපාණන් වහන්සේ ප්‍රමුඛ මහා සංඝරත්නය විසින් එහි දී ද ආගමික වතාවත් සිදු කොට ජනාධිපතිතුමා වෙත ආශිර්වාද පළ කළහ.
උතුරු මැද පළාත් ප්‍රධාන සංඝනායක සිරිසගබෝ භාවනා මධ්‍යස්ථානයේ විහාරාධිපති අලුත්ගම බෝගමුවේ සද්ධාරංසි නායක හිමිපාණන් වහන්සේ ද ආගමික වතාවත් සිදු කිරීමෙන් ජනාධිපතිතුමා වෙත ආශිර්වාද පළ කළහ.
අනුරාධපුර සාරානන්ද මහා පිරිවෙන වෙතද ගිය ජනාධිපතිතුමා ආමඤ්ඤ මහා නිකායේ අනුනායක ගිරාඹේ ආනන්ද ස්වාමින් වහන්සේ බැහැදැක උන්වහන්සේගේ ද ආශිර්වාද ලබා ගත්තේය.
එහි දී සෙත් පිරිත් සජ්ඡායනා කර ජනාධිපති තුමා වෙත ආශිර්වාද පළ කළ ආනන්ද ස්වාමින් වහන්සේ කෙටි අනුශාසනාවක් ද සිදු කළහ.
අමාත්‍යවරුන් වන පී. හැරිසන්, චන්ද්‍රානි බණ්ඩාර යන මහත්ම මහත්මීන් ඇතුළු පිරිසක් ද මෙම අවස්ථාවට එක්ව සිටියහ.
SDF
