ජනාධිපතිවරයාගේ වැය ශීරෂය සඳහා වෙන් කර ඇති මුදල සැලකිය යුතු ලෙස අඩු බවත් එම වෙනකර ඇති මුදලද සම්පූර්ණයෙන්ම වියදම් කරන්නේ නැතැයි ආණ්ඩු පක්ෂයේ ප්‍රධාන සංවිධායක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.
අතුරු සම්මත ගිණුම පිළිබඳ විවාදයේ දෙවන දිනය වන අද(06) දිනයේ විවාදයට එක්වෙමින් අමාත්‍යවරයා මේ බව පැවසීය.
ජනාධිපති අනුර කුමාර දිසානායක මහතාගේ වැය ශීර්ෂය වෙනුවෙන් වෙන් කළ මුදලින් සැලකිය යුතු ප්‍රමාණයක් වියදම් නොකර යළි රජයට භාර දෙන බවත් හෙතෙම පැවසීය.
ජනාධිපතිවරයාගේ කටයුතු සඳහා වෙන් කර ඇති මුදල ,හිටපු ජනාධිපතිවරයා ලබන වසර සඳහා වෙන්කළ මුදලට වඩා කෝටි 14.06ක් අඩු බවද අමාත්‍යවරයා වැඩිදුරටත් පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
