අමාත්‍යවරයා අද (23) පාර්ලිමේන්තුවේ දී මන්ත්‍රී තුෂාර ඉදුනිල් මහතා යොමු කළ වාචික ප්‍රශ්නයකට පිළිතුරු දෙමින් මේ බව පැවසී ය.
තට්ටු අටකින් සමන්විත මෙම ඒකකය ආරම්භවීමත් සමඟ තැලසීමියා දරුවන් වෙනුවෙන් ඇටමිඳුළු බද්ධ කිරීමට හැකි වන බවත් එමඟින් දරුවන්ගේ ජීවිත ආරක්ෂා කිරීමට හැකියාව ඇතිවන බවත් අමාත්‍යවරයා පැවසීය.
මේ වනවිටත් තැලසීමියා වාහකයන් හඳුනාගැනීමට වැඩසටහනක් ක්‍රියාත්මක කරන බවත් අධ්‍යාපන අමාත්‍යාංශය සමඟ එක්ව දහය වසර දරුවන්ගේ රුධිර පරික්ෂා කිරීමේ වැඩසටහනක් ක්‍රියාත්මක කරන බවත් අමාත්‍යවරයා පැවසීය.
තැලසීමියා රෝගි දරුවන් වෙනුවෙන් රුධිරය ලබාදීම, කිසිදු හිඟයකින් තොරව ඖෂධ ලබදීම, තැලසීමියා නික්ෂේපන යන්ත්‍ර ලබාදීම, තැලසීමියා ඒකක නවීකරණය කිරීම, විශේෂඥ වෛද්‍ය සහාය ලබාදීම සිදු කෙරෙන බවද අමාත්‍යවරය පිළිතුරු දෙමින් සඳහන් කළේ ය.
