අමාත්‍යවරුන් වන රංජිත් මද්දුම බණ්ඩාර, ලක්ෂ්මන් කිරිඇල්ල, රුවන් විජයවර්ධන,රාවුෆ් හකීම්, මහනුවර පළාත් ප්‍රධාන අමාත්‍ය සරත් ඒකනායක යන මහත්වරු ඇතුළු ජනතා නියෝජිතයන් රැසක් මහනුවර ප්‍රදේශයේ
තත්ත්වය සොයා බැලීමට එක්ව සිටියි.
සංචාරය අතරතුර අග්‍රාමාත්‍යවරයාගේ ප්‍රධානත්වයෙන් මහනුවර දිස්ත්‍රික් ලේකම් කාර්යාලයේ දී විශේෂ සාකච්ඡාවක් පැවැති බව මහනුවර දිස්ත්‍රික් මාධ්‍ය ඒකකය පවසයි. හානියට පත්වූවන්ගේ දේපළ හා ජීවිත සඳහා හැකි ඉක්මනින් වන්දි ලබාදීමට අග්‍රාමාත්‍යවරයා නිලධාරින්ට උපදෙස් ලබාදෙන ලදී.
අදාළ තක්සේරු කිරීම් ලබන සිකුරාදාට ප්‍රථම සිදු කිරීමට නිලධාරීන්ට අග්‍රාමාත්‍යවරයා විසින් උපදෙස් ලබාදුන් බවත් සිදුවීමෙන් හානියට පත් දේපළ සඳහා පූර්ණ,අර්ධ හ සුළු ලෙස වර්ග කරමින් වන්දි ලබාදීමට කටයුතු කිරීමට තීරණය කෙරුණු බවද මහනුවර දිස්ත්‍රික් මාධ්‍ය ඒකකය රජයේ නිලපුවත් වෙබ් අඩවියට පැවසීය.
