පිබිදෙමු පොළොන්නරුව වැඩසටහන යටතේ මැදිරිගිරිය රෝහල වෙනුවෙන් ඉදිකෙරුණු හෙද නේවාසිකාගාරය, සෞඛ්‍ය වෛද්‍ය නිලධාරි කාර්යාලය, මාතෘ සායන මධ්‍යස්ථානය සහ වකුගඩු රෝගිී රුධිර කාන්දුකරණ ඒකකය ජනාධිපති ගරු මෛත්‍රීපාල සිරිසේන මැතිතුමා ගේ සුරතින් විවෘත කෙරිණි.
පීත්තපට කපමින් සහ සමරු ඵලක නිරාවරණය කරමින් ඉදිකිරීම් විවෘත කළ ජනාධිපතිතුමා, රෝහලේ නේවාසිකව ප්‍රතිකාර ලබන රෝගීන්ගේ සුවදුක් විමසීමට ද අමතක නොකළේය.
උතුරු මැද පළාත් ආණ්ඩුකාර පී.බී. දිසානායක, හිටපු පළාත් සභා අමාත්‍ය සම්පත් ශ්‍රී නිලන්ත යන මහත්වරුන් සහ පළාත් සෞඛ්‍ය ලේකම් සමන් බන්දුලසේන, පළාත් සෞඛ්‍ය අධ්‍යක්ෂ පාලිත බණ්ඩාර, මැදිරිගිරිය රෝහලේ වෛද්‍ය අධිකාරී සුනිල් සෙනරත් යාපා යන මහත්වරුන් ඇතුථ නිලධාරින් පිරිසක් මෙම අවස්ථාවට එක්ව සිටියහ.
( ඡායාරූප : උදේශ් ගුණරත්න - ජනාධිපති මාධ්‍ය අංශය )
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
