ජනාධිපති මෛත්‍රීපාල සිරිසේන මැතිතුමා සහ පොලිස් දෙපාර්තමේන්තුවේ උසස් නිලධාරින් අතර හමුවක් අඟහරුවාදා (15) පස්වරුවේ කොළඹ ජ්‍යෙෂ්ඨ රාජ්‍ය නිවේදිත පොලිස් නිලධාරින්ගේ නිල නිවසේදී පැවැත්විණි.
රාජ්‍ය නායකයෙකු වසර 20 කට පසු කොළඹ ජ්‍යෙෂ්ඨ රාජ්‍ය නිවේදිත පොලිස් නිලධාරින්ගේ නිල නිවස වෙත පැමිණි ප්‍රථම අවස්ථාව සිනිටුහන් කරමින් පොලිස් නිල නිවස වෙත ගිය ජනාධිපතිතුමා නිලධාරින් විසින් ඉතා ගෞරවයෙන් පිළිගනු ලැබීය.
අනතුරුව ජනාධිපතිතුමා ඔවුන් සමඟ සුහද කථා බහක නිරත විය.
නීතිය, සාමය සහ බන්ධනාගාර ප්‍රතිසංස්කරණ කටයුතු අමාත්‍ය තිලක් මාරපන, රාජ්‍ය අමාත්‍ය ප්‍රියංකර ජයරත්න, අමාත්‍යාංශයේ ලේකම් ජගත් විජේවීර, පොලිස්පති එන්.කේ. ඉලංගකෝන් යන මහත්වරුන් ද මෙම සාකච්ඡාවට එක්ව සිටියහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
