තායිලන්ත රාජධානියේ බුමිබොල් අදුල්යාඩෙජ් රජතුමා වෙත විශේෂ පණිවිඩයක් යොමු කරමින් ජනාධිපතිතුමා මෙලෙස සිය කණගාටුව ප‍්‍රකාශ කර සිටියේය.
එම ඛේදජනක සිදුවීම පිළිබඳ ශී‍්‍ර ලංකා රජයත් ජනතාවත් වෙනුවෙන් තායිලන්ත රජයට සහ ජනතාවට සිය හෘදයාංගම කණගාටුව පළ කරන බවත් ප‍්‍රහාරයෙන් මිය ගිය අයගේ පවුල්වල ඥාතීන් වෙත දැඩි කණගාටුව පළ කරන අතරම තුවාල ලැබූවන්ට ඉක්මන් සුවය ප‍්‍රාර්ථනා කරන බවද ජනාධිපතිතුමා සිය පණිවිඩයේ වැඩිදුරටත් සඳහන් කරයි.
මෙම පහත් කි‍්‍රයාව ශී‍්‍ර ලංකා රජය සහ ජනතාව දැඩිව හෙළා දකින අතර උද්ගතව ඇති අසීරු අවස්ථාවේ තායිලන්ත වැසියන් සහ තායිලන්ත රජය වෙනුවෙන් ලබාදිය හැකි සෑම සහයක්ම ලබාදීමට කටයුතු කරන බවද ජනාධිපතිතුමා තායිලන්ත රජතුමා ඇතුළු රජය වෙත දන්වා සිටි.
එමෙන්ම මෙම ත‍්‍රස්ත කි‍්‍රයාවේ වැරදිකරුවන්ට දඬුවම් ලබාදීමට තායිලන්ත රජය සියලූ පියවරයන් ගනු ඇතැයි අපේක්ෂා කරන බවද ජනාධිපතිතුමා සිය පණිවිඩයේ සඳහන් කර තිබේ.
