විද්‍යාලය වෙත පැමිණි ජනාධිපතිතුමාව සිසු දරුවන් විසින් මහත් හරසරින් පිළිගෙන විද්‍යාලය වෙත කැඳවාගෙන යනු ලැබීය.
විවිධ දක්ෂතා දැක් වූ සිසුන්ට ත්‍යාග සහ සම්මාන ප්‍රදානය කිරීම මෙහිදී ජනාධිපතිතුමා අතින් සිදු වූ අතර කැපවීමෙන් සේවය කළ ගුරුවරු 15 දෙනෙකු ද ඇගයීමට ලක් විය.
මිලියන 15 ක වියදමින් විද්‍යාලයේ ඉදිකෙරෙන දෙමහල් ගොඩනැගිල්ල සඳහා මුල් ගල් තැබුණේ ද ජනාධිපතිතුමා අතිනි.
හිටපු අධ්‍යාපන අමාත්‍ය අකිල විරාජ් කාරියවසම්, හිටපු ජනමාධ්‍ය නියෝජ්‍ය අමාත්‍ය ශාන්ත බණ්ඩාර යන මහත්වරුන් ඇතුළු ආරාධිත පිරිසක්ද විදුහල්පතිනි නිරෝධා අබේවික්‍රම මහත්මිය ඇතුළු ආචාර්ය මණ්ඩලය, ආදි සිසුන්, දෙමාපියන් ඇතුළු විශාල පිරිසක් මෙම අවස්ථාවට එක්ව සිටියහ.
SDF
