20වෙනි ව්‍යවස්ථා සංශෝධනය පිළිබඳව මහජන නියෝජිතයන් සහ ජනතාව දැනුවත් කිරීමේ විවෘත සම්මන්ත්‍රණයක් ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් අද (8) සවස 3.00 ට කොළඹ විහාර මහාදේවී එළිමහන් ක්‍රීඩාංගණයේ දී පැවැත්වීමට කටයුතු සූදානම් කර ඇත.
පක්ෂ නියෝජිතයන්, විද්වතුන්ගේ සහභාගිත්වයෙන් මෙම සම්මන්ත්‍රණය පැවැත්වෙන බව ජනමාධ්‍ය නියෝජ්‍ය ඇමැති ශාන්ත බණ්ඩාර මහතා පසුගිය සිකුරාදා (05) රජයේ ප්‍රවෘත්ති දොපාර්තමේන්තුවේ පැවති මාධ්‍ය හමුවක දී පැවැසීය.
නව සංශෝධනයන් පිළිබඳ බොහෝ දෙනෙකු හරිහැටි දැනුවත් වී නැති බවට ඇතැම් අයගෙන් චෝදනා නැගෙන බව පැවැසු ඒ මහතා හැකි සෑම සියලුදෙනාටම මෙම සම්මන්ත්‍රණයට සහභාගී වී මෙම නව සංශෝධනය පිළබඳව දැනුවත් වී තීරණ ගන්නා ලෙස කියා සිටියේය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
