පසුගියදා යාපනය ප්‍රදේශයේ පාසල් දැරියක අපයෝජනයට ලක්කර ඝාතනය කිරීමේ සිද්ධියට අදාළ වරදකරුවන්ට විශේෂ අධිකරණයක් හරහා උපරිම දඩුවම් ලබාදීමට පියවර ගන්නා බව ජනාධිපති මෛත්‍රිපාල සිරිසේන මැතිතුමා අවධාරණය කරයි.
එමෙන්ම මෙවැනි සිදුවීම් යළිත් කිසිඳු අවස්ථාවක රට තුළ ඇතිවීමට ඉඩ තැබිය නොහැකි බව ජනාධිපතිතුමා ප්‍රකාශ කළේය.
ජනාධිපති මෛත්‍රිපාල සිරිසේන මැතිතුමා මේ බව අවධාරණය කළේ අද (26) පෙරවරුවේ යාපනය ප්‍රදේශයේ හදිසි සංචාරයක නිරතවෙමින් උතුරු පළාතේ පාසල් දරුවන් සමඟ පැවති හමුවකට එක්වෙමිනි.
අනතුරුව ජනාධිපතිතුමා යාපනය ආණ්ඩුකාර නිල නිවසේ දී, ඝාතනයට ලක් වූ දැරියගේ දෙමාපියන් හමු විය. ඔවුන්ගේ තොරතුරු විමසමින් අදාළ සිදුවීම පිළිබඳ තම බලවත් කණගාටුව ද ප්‍රකාශ කළේය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
