"අනාගතය වෙනුවෙන් තෙල් සහ විදුලිය ඉතිරි කරමු" යන්න තේමාව කර ගනිමින් ජාතික බලශක්ති වැඩසටහනට සමගාමීව පැවැත්වෙන "ජවන ශක්ති යාත්‍රා" ප්‍රදර්ශණාත්මක ධාවන තරගය ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් අද (16) පෙරවරුවේ කොළඹ නිදහස් චතුරශ්‍රය අසලින් ආරම්භ විය.
එහිදී ජනාධිපතිතුමා විසින් බලශක්ති සංරක්ෂණ ප්‍රතිඥාව ඉදිරිපත් කිරීමෙන් අනතුරුව ධාවන තරගය ආරම්භ කෙරිනි.
පසුව අනාගතය වෙනුවෙන් තෙල් සහ විදුලිය ඉතිරි කරමු යන පණිවිඩය රැගත් පාගමන ආරම්භ වූ අතර ජනාධිපතිතුමා ඊට ද සහභාගි විය.
විදුලිබල හා බලශක්ති අමාත්‍ය පාඨලී චම්පික රණවක මහතාද යුද හමුදාපති, නාවික හමුදාපති ඇතුළු ආරක්ෂක අංශ නිලධාරිහුද විදුලිබල හා බලශක්ති අමාත්‍යාංශයේ ලේකම්වරයා ඇතුළු පන්දහසකට අධික පිරිසක් මීට එක්ව සිටියහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
