පාර්ලිමේන්තු මන්ත්‍රී ශාන්ත බණ්ඩාර මහතා විසින් වාචික පිළිතුරු අපේක්ෂා කරන පැනයකට පිළිතුරු දෙමින් අමාත්‍යවරයා අද (18) පාර්ලිමේන්තුවේ දී මේ බව පැවසී ය.
දේශපාලන හා ජීවිත තර්ජන නිසා ආරක්ෂාව පතා ජනමාධ්‍යවේදීන් විදෙස් ගත වී ඇති බව සත්‍යයක්. ඔවුන් මෙරටට ගෙන්වා ගැනීම සඳහා මේ වනවිට අප සාකච්ඡා කරමින් සිටිනවා . පසුගිය කාලයේ ජනමාධ්‍යවේදීන්ට සුදු වෑන් සංස්කෘතියක් තිබුණා. ජීවිත තර්ජන නිසා මිනිස්සු රට ගියා.
ප්‍රදීප් එක්නැලිගොඩ පිළිබඳ ව අපි සොයා බලන්න කටයුතු කරනවා. ඔහුගේ පවුල වෙනුවෙන් සුබසාධන වැඩපිළිවෙළක් ක්‍රියාත්මක කරනවා. ප්‍රජාතන්ත්‍රවාදී රටක මාධ්‍ය නිදහස පැවැතිය යුතු බව පිළිගන්නා බවත් මෙරට ජනමාධ්‍යවේදීන් සුවිශාල ජන මෙහෙවරක් ඉටුකරන බවත් අමාත්‍යවරයා පිළිතුරු දෙමින් පැවසීය.
