ජාතික විද්‍යා සතියට සමගාමී ව විශේෂ විද්‍යා කලාපයක් අමාත්‍යාංශයට අනුබද්ධ කාර්මික තාක්ෂණ ආයතනය (ITI) මූලික ව බෞද්ධාලෝක මාවත, නිදහස් චතුරස්‍ර පරිශ්‍රය අවට භූමියේ ක්‍රියාත්මක කිරීමට ද කටයුතු යොදා ඇත. මෙම කලාපය තුළ විද්‍යා ප්‍රදර්ශන, විවිධ නව නිපැයුම්, ජල රොකට් තරග, ජෝතිෂ්‍ය හා විද්‍යාව පිළිබඳ සංවාද, විද්‍යා චිත්‍රපට, විද්‍යාත්මක දේශන හා වැඩමුළු, විද්‍යාවේ නව සොයාගැනීම් පිළිබඳ තොරතුරු හා ග්‍රහලෝකාගාර නැරඹුම් දර්ශන ද ඇතුළත්ය.
මෙයට සමගාමී ව ජාතික විද්‍යා පා ගමන08 දා පෙ.ව. 7.30ට මේට්ලන්ඩ් පෙදෙස, කොළඹ 07 ශ්‍රී ලංකා ක්‍රිකට් ආයතනය ඉදිරිපසින් ආරම්භ වී නිදහස් වටරවුම, කොළඹ විශ්වවිද්‍යාලය ඉදිරිපසින් ගමන් කොට තුන්මුල්ල හන්දියෙන් බෞද්ධාලෝක මාවත ඔස්සේ කාර්මික තාක්ෂණ ආයතන පරිශ්‍රය කරා ළඟාවීමට නියමිතය.
මේ සඳහා තාක්ෂණ හා පර්යේෂණ අමාත්‍ය පාටලී චම්පික රණවක මහතාගේ ප්‍රධානත්වයෙන් විද්‍යාඥයන්, රාජ්‍ය ආයතන ප්‍රධානීන්, නිලධාරීන් මෙන් ම ත්‍රිවිධ හමුදා නිලධාරීන්, පාසල් හා විශ්වවිද්‍යාල සිසුන් ද සහභාගී වේ.
DB
