උසස් අධ්‍යාපන අමාත්‍යංශය මඟින් මෙහෙයවන නායකත්ව හැකියා සහ ධනාත්මක ආකල්ප වර්ධනය කිරීමේ පාඨමාලාවේ තුන්වන අදියර අද දින දීප ව්‍යාප්තව ආරම්භ කිරීමට නියමිතය.
 
මෙම තුන්වන අදියර සිසුන් 6,648කගේ සහභාගිත්වයෙන් කඳවුරු 20ක දී ක‍්‍රියාත්මක කෙරෙනු ඇත.

මේ වසරේ පුහුණුව සඳහා සහභාගීවීමට නියමිත සමස්ත ළමුන් ප‍්‍රමාණය 23,000ක් වන අතර පළමු අදියර සඳහා සිසුන් 7,030ක් දීප ව්‍යාප්තව කඳවුරු 19කට සහභාගී වූහ. පසුගිය 26 වන දින පළමු අදියර අති සාර්ථක ලෙස නිමා විය. දෙවැනි අදියර සඳහා සිසුන් 9,215ක් දීප ව්‍යාප්තව පාබල හමුදා, නාවුක හමුදා සහ ගුවන් හමුදා කඳවුරු 20ක සාර්ථක ව පසුගිය 24 වැනි දින අවසන් විය.

නායකත්ව පුහුණු වැඩසටහන විශ්වවිද්‍යාලයන්ට ඇතුළත් වීමට නියමිත ශිෂ්‍ය ශිෂ්‍යාවන් සඳහා විනය, පිරිසිදුකම, නායකත්ව හැකියා වර්ධනය කිරීම හා ධනාත්මක ආකල්ප වර්ධනය සඳහා ලැබෙන විශාල පිටිවහලකි.

NDH/SK-cmu