ඒ අනුව කොළඹ පාසල් ළමුන් 125ක්, ගුරුවරු 25ක් විශ්වවිද්‍යාල සිසු සිසුවියන් 50කගෙන් සමන්විත කණ්ඩායමක් 24 සහ 25 දිනවලදී යාපනයේ සංචාරයක නිරත වෙමින් ක්‍රියාකාරකම් රැසකට සහභාගිවීමට නියමිතය.
ඒ අනුව 24දා පැවැත්වෙන සුහද හමුවෙන් අනතුරු ව, පසුදින (25) මෙම කණ්ඩායම යාපනය දිස්ත්‍රික්කයේ දමිළ පාසල් සිසු සිසුවියන් 500ක් සමඟින් කන්කසන්තුරේ නගුලේෂ්වරම් කෝවිල ආශ්‍රිත ව ශ්‍රමදානමය වැඩසටහනකට, "අන්තර් සංහිඳියාව සඳහා ළමුන්ගේ කාර්යභාරය" මැයෙන් යාපනය වීරසිංහම් ශාලාවේ පැවැත්වෙන වැඩමුළුවකට සහභාගි වෙති. ඊට අමතර ව එදිනම ආගමික හා සංස්කෘතික සංහිඳියාව වර්ධනය කරමින් සංස්කෘතික සංදර්ශනයක් ද පැවැත්වේ. ඉන් අනතුරුව රාත්‍රී සංගීත සංදර්ශනයකින් මෙම වැඩසටහන අවසන් වේ. මෙම අවස්ථාවට සමගාමී ව එදින 5000ක් දෙනා උදෙසා ශ්‍රී ලංකා යුද හමුදාව විසින් බත් දන්සැලක් පැවැත්වීමට ද කටයුතු යොදා ඇත.
ජනාධිපති කාර්යාලය යටතේ ක්‍රියාත්මක වන Mother Sri Lanka ව්‍යාපෘතිය මේ සඳහා සම්බන්ධීකරණ දායකත්වය සපයනු ලබයි.
DB
