අද උදෑසන 5.30 වනවිට මි.මී. 183.7ක උපරිම වර්ෂාපතනයක් පොලොන්නරුවෙන් වාර්තා වී තිබේ.

අද උදෑසන 05.30ට නිකුත් කරන ලද කාලගුණ අනාවැකියට අනුව දිවයිනේ ඇතැම් ස්ථානවලට මි.මී. 100ට වැඩි තද වැසි ද ඇති විය හැක.

දිවයින වටා වන වෙරළබඩ ප්‍රදේශවල උදය කාලයේදී ද වැසි ඇති වේ.

ගිගුරුම් සහිත වැසි ඇති වන විට එම ප්‍රදේශවල තාවකාලික ව තරමක තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණික ව ඉල්ලා සිටිනු ලැබේ.

ප්‍රධාන නගර සඳහා කාලගුණ අනාවැකිය                                            

නුවරඑළියට මහනුවරට රත්නපුරයට අනුරාධපුරයට අපරභාගයේදී සහ රාත්‍රී කාලයේදී ගිගුරුම් සහිත වැසි.

මන්නාරමට ගාල්ලට කොළඹට උදෑසන වැසි ස්වල්පයක් සහ අපරභාගයේදී සහ රාත්‍රී කාලයේදී ගිගුරුම් සහිත වැසි.

යාපනයට උදෑසන වැසි ස්වල්පයක් සහ අපරභාගයේදී හෝ සන්ධ්‍යා කාලයේදී ගිගුරුම් සහිත වැසි.

ත්‍රිකුණාමලයට මඩකළපුවට උදෑසන වැසි ස්වල්පයක් සහ අපරභාගයේදී ගිගුරුම් සහිත වැසි.

උෂ්ණත්වය හා වර්ෂාපතනය                                                      

අද උදෑසන 5.30 වනවිට මි.මී. 183.7ක වර්ෂාපතනයක් පොලොන්නරුවෙන් ද මි.මී. 79.3ක වර්ෂාපතනයක් බණ්ඩාරවෙලින් ද මි.මී. 40.7ක වර්ෂාපතනයක් බදුල්ලෙන් ද මි.මී. 91.0ක වර්ෂාපතනයක් ගාල්ලෙන් ද 25.7ක වර්ෂාපතනයක් කුරුණෑගලින් ද මි.මී. 44.2ක වර්ෂාපතනයක් නුවරඑළියෙන් ද මි.මී. 62.7ක වර්ෂාපතනයක් පොතුවිල්වලින් ද මි.මී. 27.5ක වර්ෂාපතනයක් රත්නපුරින් ද මි.මී. 54.1ක වර්ෂාපතනයක් මොනරාගලින් ද වාර්තා වී තිබේ.

මීදුම සහිත තත්ත්වයක් බදුල්ල, බණ්ඩාරවෙල සහ රත්නපුරයෙන් වාර්තා වී තිබේ.

අද උපරිම උෂ්ණත්වය සෙල්සියස් අංශක 32.°C අනුරාධපුරයෙන් ද අවම උෂ්ණත්වය සෙල්සියස් අංශක 13.0°C නුවරඑළියෙන් ද අපේක්ෂා කෙරේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 32.3°C පොලොන්නරුව ප්‍රදේශයෙන් ද අවම උෂ්ණත්වය සෙල්සියස් අංශක 13.5°C නුවරඑළියෙන් ද මි.මී. 88.7ක උපරිම වර්ෂාපතනය පදියතලාව ප්‍රදේශයෙන් ද වාර්තා වී තිබේ.

HC