බෞද්ධ කටයුතු දෙපාර්තමේන්තුව තායිලන්තයේ ධම්මකාය සංවිධානය සමඟ එක් ව වාර්ෂිකව සංවිධානය කරනු ලබන ලෝක සාම ආචාර ධර්ම තරග විභාගය අද (19) පෙ.ව. 9.30ට ප්‍රාදේශීය ලේකම් කොට්ඨාස මට්ටමින් මධ්‍යස්ථාන 268ක දී පැවැත්වීමට නියමිතය.
සුදුසුකම් ලද දහම් පාසල්වල 09 ශ්‍රේණියේ සිසුන් 10431ක් විභාගයට පෙනී සිටීමට අපේක්ෂිතය.මෙම විභාගය සම්බන්ධ ප්‍රධාන උත්සවය දකුණු කළුතර පූර්වාරාම ධර්ම විජය පිරිවෙන් විහාරස්ථානයේදී අද පෙ.ව. 9.30ට තායිලන්ත නියෝජිතයින්ගේ සහභාගීත්වයෙන් පැවැත්වේ.
මෙම විභාගයෙන් ලංකාවෙන් ම පළමු, දෙවන, තෙවන ස්ථාන ලබා ගන්නා දරුවන්ට ත්‍යාග හා සහතිකපත්වලට අමතර ව තායිලන්තයේ ධම්මකාය සංවිධානය මගින් දින 05ක සංචාරයක් ද ලබාදීමට කටයුතු සංවිධානය කර ඇත.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
