එහි ජ්‍යේෂ්ඨ භූවිද්‍යාඥ ආචාර්ය එච්.ඒ.ජී. ජයතිස්ස මහතා අද (10) පස්වරු 6.00ට නිකුත් කරන ලද නායයෑම් අනතුරු ඇඟවීමේ නිවේදනයෙහි මේ බව දැක්වේ.
එහි සඳහන් වන පරිදි නායයෑමේ අවදානම පැවතිය හැකි ප්‍රදේශ පහත සඳහන් පරිදි වේ.
නුවරඑළිය දිස්ත්‍රික්කයේ විශේෂයෙන් කොත්මලේ, අඹගමුව කෝරළේ සහ නුවරඑළිය ප්‍රාදේශීය ලේකම් කොට්ඨාසවල ඇති කඳුකර බෑවුම්, කණ්ඩි සහිත ප්‍රදේශ සහ මාර්ග.
කෑගල්ල දිස්ත්‍රික්කයේ, දැරණියගල, යටියන්තොට, බුලත්කොහුපිටිය, දෙහිඕවිට, ප්‍රාදේශීය ලේකම් කොට්ඨාස තුළ ඇති කඳුකර බෑවුම්, කණ්ඩි සහිත ප්‍රදේශ සහ මාර්ග.
රත්නපුර දිස්ත්‍රික්කයේ විශේෂයෙන් ඇහැළියගොඩ, කුරුවිට, කලවාන, අයගම, රත්නපුර, පැල්මඩුල්ල, කිරිඇල්ල, නිවිතිගල සහ රක්වාන ඇතුළු සියලු ම ප්‍රාදේශීය ලේකම් කොට්ඨාසවල ඇති කඳුකර බෑවුම්, කණ්ඩි සහිත ප්‍රදේශ සහ මාර්ග.
HC
