ලබන 06 වැනි දා මුස්ලිම් බැතිමතුන්ගේ ජාතික උත්සවයක් වන හජ්ජි උත්සවය පැවැත්වෙන බැවින් මුස්ලිම් ජාතික ශිෂ්‍ය ශිෂ්‍යාවන් සදහා ඔක්තෝබර් 07වන දිනට එම පුහුණුව සඳහා සහභාගීවීමට අවශ්‍ය කටයුතු සියල්ල සූදානම් කර තිබේ.
මෙම වසරේ පුහුණුව සඳහා සහභාගීවීමට නියමිත සමස්ත ළමුන් ප‍්‍රමාණය 23000ක් වන අතර පළමු අදියර සඳහා සිසුන් 7030ක් දීප ව්‍යාප්තව කඳවුරු 19කට සහභාගී වූහ. පසුගිය 26වන දින පළමු අදියර අති සාර්ථක ලෙස නිමා විය. දෙවැනි අදියර සඳහා සිසුන් 9215ක් දීප ව්‍යාප්තව පාබල හමුදා, නාවුක හමුදා සහ ගුවන් හමුදා කඳවුරු 20ක් සඳහා යොමු කිරීමට නියමිත බව ද අමාත්‍යවරයා පැවසී ය.
නායකත්ව පුහුණු වැඩසටහන විශ්වවිද්‍යාලයන්ට ඇතුළත් වීමට නියමිත ශිෂ්‍ය ශිෂ්‍යාවන් සඳහා අලුත් ම අත්දැකීමක් වූ අතර මේ වනවිට ඒ සඳහා ඇතුළත්වීමට සිසුන්ගේ ඇති උනන්දුව තීව‍්‍ර වී තිබෙන බව ද පැවසී ය. මේ වනවිට විශ්වවිද්‍යාල පද්ධතිය ස්ථාවරව පවත්වාගැනීමට මෙන් ම සිසුන්ගේ විනය, පිරිසිදුකම, නායකත්ව හැකියා වර්ධනය කිරීම, ධනාත්මක ආකල්ප වර්ධනය සඳහා නායකත්ව පුහුණු වැඩසටනෙන් ලැබී ඇති පිටිවහල අතිමහත් බව ද දිසානායක මහතා සඳහන් කළේ ය.
NDH
