ජනාධිපති මහින්ද රාජපක්ෂ මැතිතුමන් නියෝජනය කරමින් නාගරික කටයුතු පිළිබඳ ජ්‍යේෂ්ඨ අමාත්‍ය ඒ.එච්.එම්. ෆවුසි මහතා පසුගිය සඳුදා (සැප්. 29) ඇෆ්ගනිස්ථානයේ කාබුල් නුවර පැවති ඇෆ්ගනිස්ථාන ඉස්ලාමීය ජනරජයේ නව ජනපති ආචාර්ය අෂ්රෆ් ඝානී අහමඩ්සායි (Dr Ashraf Ghani Ahmadzai) මැතිතුමාගේ පදවි සම්ප්‍රාප්ති උත්සවයට සහභාගී විය.
නව ඇෆ්ගනිස්ථාන ජනාධිපතිතුමාගේ ධූර කාලය සාර්ථක වේවායි ප්‍රාර්ථනය කරන ජනාධිපති මහින්ද රාජපක්ෂ මැතිතුමාගේ ආචාරශීලී සුභ පැතුම් පණිවුඩය පදවි සම්ප්‍රාප්ති උත්සවයට සමගාමී ව ජ්‍යේෂ්ඨ අමාත්‍ය ෆවුසි මහතා විසින් ප්‍රකාශ කරන ලද අතර නව ඇෆ්ගනිස්ථාන නායකයා සමඟ මිත්‍රශීලී සාකච්ඡාවක්ද පවත්වන ලදී.
ඇෆ්ගනිස්ථානයේ ශ්‍රී ලංකා තානාපති ශාහ් නවාස් මරික්කාර් බාවා මහතාද මෙම අවස්ථාවට එක් විය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
