පසුගියදා ඉරණමඩු ජලාශය ආශ්‍රිත ධීවර කර්මාන්තයේ යෙදෙන ධීවරයින්ට සිය ධීවර කටයුතුවලට බාධා එල්ල වූ බව විවිධ මාධ්‍ය වාර්තා කළේය.
මේ දිනවල ඉරණමඩු ජලාශයේ ජල මට්ටම අවම මට්ටම ක පවතින බැවින් ඉරණමඩු ගැමි පවුල් 150ක පමණ එකමුතුවෙන් පවත්වාගෙන යන ධීවර සංගමයක් මඟින් ගනු ලැබූ තීරණයක් මත ධීවර සංගමයේ සාමාජිකයින් පමණක් මෙම ඉරණමඩු වැවේ ධීවර කටයුතුවල නිරත වූ බව බ්‍රිගේඩියර් රුවන් වනිගසූරිය මහතා ප්‍රකාශ කළේය.
එය එම ගම්වාසීන්ගේ ජීවිකාව රැකගැනීමට ඔවුන් විසින් ම ගනු ලැබූ තීරණයක් වන අතර බාහිරින් පැමිණෙන ධීවරයින්ට ධීවර කර්මාන්තයේ නිරතවීමට ගම්වාසීහු ඉඩ නොදීම නිසා මෙම තත්ත්වය උද්ගත වූ බවත් එයට ආරක්ෂක හමුදාවන්ගේ කිසිදු මැදිහත්වීමක් සිදුවී නොමැති අතර ඇතැම් පුද්ගලයින් විසින් ඉහත ධීවර සංගමය විසින් සිදු කරනු ලැබූ එම ක්‍රියාව සම්පූර්ණයෙන් විකෘති කර දැක්වීමක් බවද මෙහිදී වැඩිදුරටත් පවසා සිටියේය.
SDF
