සමාජ සේවා අමාත්‍ය ෆීලික්ස් පෙරේරා මහතාගේ ප්‍රධානත්වයෙන් හා සමාජ සේවා නියෝජ්‍ය අමාත්‍ය චන්ද්‍රසිරි සූරියආරච්චි මහතාගේ සහභාගිත්වයෙන් මෙම උත්සවය පැවැත්වීමට නියමිතය.
කිසිවෙකු අත නොහරින - එකම එක සමාජයක් යන තේමාව යටතේ මෙවර ජාත්‍යන්තර වැඩිහිටි දිනය සමරනු ලබයි.
මෙම සැමරුම් උත්සවයේදී හොඳම ග්‍රාමීය වැඩිහිටි කමිටුව තේරීම සිදු කරන අතර වයස්ගත ම ජ්‍යේෂ්ඨ පුරවැසියන් දෙදෙනා හා වැඩිම දරුවන් සිටින මව සඳහා ත්‍යාග ප්‍රදානය කිරීම සිදු කෙරේ.
ආචාර්ය ප්‍රණීත් අබේසුන්දර මහතා විසින්, අපේ ජනශ්‍රැතිය හා වැඩිහිටියා නමින් ආරාධිත දේශනය සිදු කරනු ලබන අතර විවිධ සංස්කෘතිකාංග රැසක් මෙහිදී ඉදිරිපත් කිරීමටද කටයුතු සංවිධානය කර ඇත.
ECB
