ඌව පළාත් සභාවේ ප්‍රධාන අමාත්‍යවරයා ලෙස ශෂීන්ද්‍ර කුමාර රාජපක්ෂ මහතා අද (30) ජනාධිපති මහින්ද රාජපක්ෂ මහතා ඉදිරියේ ජනාධිපති කාර්යාලයේ දී දිවුරුම් දීමට නියමිතය.
2009- 2014 කාලයේ ඌව පළාත් සභාවේ ප්‍රධාන අමාත්‍යවරයා වශයෙන් කටයුතු කළ ශෂීන්ද්‍ර රාජපක්ෂ මහතා මෙවර පළාත් සභා මැතිවරණයෙන් මොනරාගල දිස්ත්‍රික්කයෙන් මනාප 96,619ක් ලබා ගනිමින් විශිෂ්ට ජයග්‍රහණයක් ලබා ඇත.
පළාත් සභාවේ සෙසු අමාත්‍යවරුන් ද ජනාධිපතිතුමා ඉදිරියේ අද දිවුරුම් දීමට නියමිතය.
පසුගිය 20 වැනිදා පැවැති ඌව පළාත් සභා මැතිවරණයෙන් විශිෂ්ට ජයග්‍රහණයක් ලැබූ එක්සත් ජනතා නිදහස් සන්ධානයට එම පළාත් සභාවේ මන්ත්‍රී ධූර 19ක් හිමි විය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
