අමාත්‍යවරයා මේ බව ප්‍රකාශ කළේ අද (12) ශ්‍රී ලංකා නිදහස් පක්ෂ මූලස්ථානයේ පැවැති
ප්‍රවෘත්ති සාකච්ඡාවකට එක්වෙමිනි.
17දා මධ්‍යම රාත්‍රියෙන් මැතිවරණ ප්‍රචාරණ කටයුතු අවසන් කරන ලෙස මැතිවරණ
කාර්යාලය මගින් නිවේදනය කොට ඇති බවත් තම පක්ෂයේ ප්‍රචාරණ කටයුතු එදින
අවසන් කිරීමට බලාපොරොත්තු වන බවත් අමාත්‍යවරයා පැවසීය.
ඌව පළාත් සභා මැතිවරණ අරමුණු කරගෙන එක්සත් ජනතා නිදහස් සන්ධානය විසින්
ක්‍රියාත්මක කරනු ලබන ප්‍රචාරණ කටයුතු ඉතා සාර්ථක අන්දමින් බදුල්ල හා මොනරාගල
දිස්ත්‍රික් කේන්ද්‍ර කරගනිමින් සිදුකරගෙන යන බවද අමාත්‍යවරයා පෙන්වා දුනි.
ජනාධිපතිතුමා පසුගිය දින කිහිපයක් පුරා මොනරාගල දිස්ත්‍රික්කයේ සංවර්ධනය කටයුතු
විවෘත කිරීම්වලට සහභාගි වෙමින් එම ප්‍රදේශවල කටයුතු සොයාබැලීම සඳහා එහි
සංචාරය කළ බවත් එලෙසින් ම සංවර්ධන ව්‍යාපෘතීන් ජනතා අයිතියට පවරමින් ප්‍රදේශයේ කටයුතු සොයා බැලීමේ කටයුතු මේ දිනවල බදුල්ල කේන්ද්‍රකරගනිමින් සිදු කරන බවත් ප්‍රකාශ කළේය.
බදුල්ල දිස්ත්‍රික්කයේ මෙන් ම මොනරාගල දිස්ත්‍රික්කයේ ද දැවැන්ත සංවර්ධනයක් සිදු වී
ඇති බව අතීතය දන්නා ජනතාව මනා ව දන්නා කරුණක් බවත් අමාත්‍යවරයා මෙහිදී
වැඩිදුරටත් ප්‍රකාශ කර සිටියේය.
DB
