ලංකාව පුරා ඇති 4,000 ක් පමණ වන සමුපකාර ප්‍රාදේශික, කෝප් සිටි හා මිනි කෝප් සිටි මගින් සහල් ඇතුඵ අත්‍යාවශ්‍ය ආහාර ද්‍රව්‍ය, තොග මිලටම ලබාදීමට කටයුතු කරන බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පැවසීය.
මීට අමතරව පාරිභෝගික ජනතාව වැඩිවශයෙන් ගැවසෙන බස්නැවතුම්පොළ, දුම්රිය ස්ථාන, සතිපොළවල් ආශ්‍රිතවද ජංගම අලෙවි රථ යොදා සහල් ඇතුළු අත්‍යාවශ්‍ය ආහාර ද්‍රව්‍ය අලෙවි කිරීමට කටයුතු යොදා ඇති බව ඒ මහතා පෙන්වා දුන්නේය.
කොළඹ, වොක්ෂෝල් වීදිය සතොස මූලස්ථානයේ ඊයේ (1) පැවැති මාධ්‍ය සාකච්ඡාවකදී අමාත්‍යවරයා මේ බව සඳහන් කළ අතර ශීඝ්‍රයෙන් ඉහළ යන ආහාර ද්‍රව්‍ය මිල පාලනය කිරීම සඳහා සමුපකාර තොග වෙළෙඳ සංස්ථාව හරහා ( CWE) අත්‍යාවශ්‍ය ආහාර ද්‍රව්‍ය ආනයනය කිරීමට රජය තීරණය කර ඇති බවද සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
