මෙම සංස්ථාවේ ඉදිරි වැඩසටහන් පිළිබඳ ඊයේ (26) කොළඹ පැවති මාධ්‍ය හමුවේදී ඒ මහතා මේ බව සඳහන් කළේය.

මෙම සංස්ථාව ඒ සඳහා පසුගිය ජුනි  මාසයේ සිට ක්‍රමෝපායික වැඩසටහන් ක්‍රියාත්මක කර තිබෙන බවත්  මෙරට සංවර්ධන මාවතේ පැනනගින අවශ්‍යතා කාර්යක්ෂම ලෙස සපුරාලීම මෙහි ප්‍රධාන අරමුණක් බවත් ඒ මහතා පෙන්වා දුන්නේය.

රටේ ඉහළ යන ඛනිජ තෙල් ඉල්ලුම කාර්යක්ෂම සහ පිරිමැසුම්දායක ලෙස සපුරාලීම සඳහා වැඩසටහන් රැසක් මේ වන විටත් ක්‍රියාත්මක කර තිබේ.

නව Continuous Catalyst Regeneration (CCR) ඒකකයක් ස්ථාපිත කිරීම පසුගිය මාස 6 තුළ සිදු කිරීම ඉතාම වැදගත් ව්‍යාපෘතියක් වූ අතර එහිදී බොරතෙල් පිරිපහදු කිරීමේ රසායනික ක්‍රියාවලිය වැඩිදියුණු කිරීම සිදු වේ.

එසේම සපුගස්කන්ද පිරිපහදු ස්වයංක්‍රීය පර්යන්තයේ අතිනවීන ස්වයංක්‍රීය පිරවුම් පද්ධතිය නිසා ඉන්ධන ගබඩා ටැංකි පිරවීමේ ක්‍රියාවලිය මුළුමනින්ම ස්වයංක්‍රීයකරණය වී තිබේ.

බණ්ඩානායක ජාත්‍යන්තර ගුවන් තොටුපළ වෙත ඉන්ධන සැපයීමේ නළ මාර්ගයක් ඉදිකිරීම ඵලදායී  විසඳුමක් වී ඇත. මුතුරාජවෙල සහ කොළොන්නාව ගබඩා කරමින් නල මාර්ගයක් ඉදිකිරීම, රට හරහා නළ මාර්ග ඉදිකිරීම, ඉන්ධන ගබඩා නවීන ආර්ථික කලාපවල ස්ථාපිත කිරීම, ප්‍රසම්පාදන ක්‍රියාවලිය අලුත් කිරීම, නිෂ්පාදන හා සේවාවන් වැඩිදියුණු කිරීම යානාදී වැඩසටහන් රැසක් ක්‍රියාත්මක කර තිබේ.