බණ්ඩාරගම ගෝනදූව ග්‍රාමීය රෝහලේ තෙමහල් නව ගොඩනැගිල්ල සඳහා මුල්ගල් තැබීම පසුගියදා අමාත්‍යවරයාගේ ප්‍රධානත්වයෙන් පැවැති අතර එහිදී අමාත්‍යවරයා මේ බව සඳහන් කළේය.
ඖෂධ මිල අඩු කිරීම, ස්ටෙන්ස් නොමිලේ ලබාදීම, අක්ෂි කාච ලබාදීම පිළිකා රෝගීන්ට ජිවිත කාලය පුරා ඖෂධ නොමිලේ ලබාදීම වැනි තීන්දු තීරණ වලින් ජනතාවට විශාල ප්‍රතිලාභ හිමි වූ බව පෙන්වා දුන් අමාත්‍යවරයා ඇටමිදුලු බද්ධ කිරීමේ සැත්කම් මෙි වනවිට ආරම්භ කර තිබෙන බව ද සඳහන් කළේය.
දැනට මහරගම අපේක්ෂා රෝහලේ පිළිකා රෝගීන්ගේ ඇටමිදූලු බද්ධ කිරීමේ සැත්කම් සිදු කරන අතර ඉන් පසු තැලසීමියා රෝගීන්ගේ ඇටමිදූලු බද්ධ කිරීම මහනුවර මහ රෝහලේ ආරම්භ කරන බව ඒ මහතා පැවසීය.
දරුවන්ගේ ඇටමිදුලු බද්ධ කිරීමේ සැත්කමක් සඳහා රුපියල් මිලියන 5 ක් වැය වන අතර එවැනි මුදලක් අපේ රටේ දෙමාපියන්ට වැය කිරීමට අපහසු බව ද අමාත්‍යවරයා වැඩිදුරටත් පෙන්වා දුන්නේය.
මෙම උත්සවයට සමගාමීව ගැබිණි මාතාවන් සඳහා උපකරණ පරිත්‍යාග කිරීමක්, ජාත්‍යන්තර පරිසර දිනය වෙනුවෙන් පැලසිටුවීමෙි වැඩපිළිවෙළක් එහිදී සිදු කෙරිණි.
