එක්සත් ජාතීන්ගේ වෙසක් දින උළෙලේ සමාප්ති උත්සවයට සහභාගි වීම සඳහා දිවයිනට පැමිණි නේපාල ජනාධිපති බිද්‍යා දේවි බන්ඩාරී මහත්මිය එම උත්සවයට සහභාගිවීමට පෙර අද (14) ශ්‍රී දළදා සමිඳුන් වැඳපුදා ගත්තාය.
ශ්‍රී දළදා මාළිගාව වෙත පැමිණි බණ්ඩාරී මහත්මිය දියවඩන නිලමේ ප්‍ර‍දීප් නිලංග දෑල මහතා විසින් පිළිගෙන කැඳවාගෙන යන ලදී.
මෙම අවස්ථාවට විජේදාස රාජපක්ෂ, තලතා අතුකෝරළ යන ඇමැතිවරුද මධ්‍යම පළාත් ආණ්ඩුකාර නිලූකා ඒකනායක මහත්මිය සහ මහ ඇමැති සරත් ඒකනායක සහ නියෝජ්‍ය ඇමැතිවරුන් වන දූෂ්මන්ත මිත්‍ර‍පාල සහ ලසන්ත අලගියවන්න යන මහත්වරු ද සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
