චීනයේ කීර්තිමත් ජන නායකයෙකු වූ චෞ එන් ලායි අගමැතිවරයා ජීවත් වූ ප්‍රදේශයේ වත්මන් නගරාධිපතිවරයා ඇතුලු නියෝජිත පිරිසක් ද ගෙවුනු සතියේ කතානායක කරූ ජයසූරිය මහතා පාර්ලිමේන්තු සංකීරණයේ දී හමු විය.
මෙහිදී, ස්වකීය පුර්වගාමියා වූ චෞ එන් ලායි අනුස්මරණය කරමින් ශ්‍රී ලංකාවේ එක් ගම්මානයක් සමග බද්ධ වෙමින් සිය දියුණු සංවර්ධන අත්දැකීම් සහ සංස්කෘතික සම්බන්ධතා හුවමාරු කර ගැනීමට චීන නියෝජිත පිරිස කැමැත්ත පළ කළහ.
චීනයේ පළමු අගමැතිවරයා වූ චෞ එන් ලායි මහතා අනුස්මරණය කරමින් සබදතා ගොඩනැංවීමට සුදුසුම ගම් ප්‍රදේශය වන්නේ ශ්‍රී ලංකාවේ පළමු අගමැතිවරයාගේ ගම වූ මීරිගම ප්‍රදේශය බව පෙන්වා දුන් කථානායකවරයා එම අවස්ථාවේදීම ඒ සදහා අවශ්‍ය සම්බන්ධීකරණය ගොඩ නැංවීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
